რუსული იმპერიული პოლიტიკა საქართველოში (აფხაზეთის მაგალითზე) (XIX საუკუნის 60-იანი - XX საუკუნის 80-იანი წლები)
პროექტის განმახორციელებელი: ქართულ-ამერიკული უნივერსიტეტის სამართლის, სოციალური მეცნიერებების და დიპლომატიის სკოლა, კონსტიტუციონალიზმისა და დემოკრატიის სამეცნიერო კვლევითი ინსტიტუტის მხარდაჭერით
პროექტის ტიპი: საგანმანათლებლო და კვლევითი
პროექტის განხორციელების თარიღი: 2021
პროექტის ფინანსური მხარდაჭერა: ქართულ-ამერიკული უნივერსიტეტი
პროექტის აღწერა:
ნაშრომში გადმოცემულია XIX საუკუნის 60-იანი წლებიდან XX საუკუნის 80-იანი წლების ჩათვლით აფხაზეთში პოლიტიკური პროცესების დინამიკა. სათანადო წყაროებისა და სპეციალური სამეცნიერო ლიტერატურის საფუძველზე გაანალიზებულია აფხაზური სეპარატიზმის ისტორია და ანტიქართულ ღონისძიებებში რუსეთის აგრესიული, ხელშემწყობი ქმედებები; წარმოჩენილია ის საკითხები, თუ რა მოტივები ამოძრავებდა რუსეთს და რამდენად შორსგამიზნულად უწყობდა ხელს მოსკოვი აფხაზთა სეპარატისტულ გეგმებს. ამასთანავე, საარქივო დოკუმენტურ მასალებზე დაყრდნობით ნაჩვენებია რუსეთის გადამწყვეტი როლი სეპარატიზმის გაღვივებაში.
სახელმძღვანელო განკუთვნილია უმაღლესი სასწავლებლების სტუდენტების - ბაკალავრების, მაგისტრანტების, დოქტორანტების, აგრეთვე დიპლომატიის, საერთაშორისო ურთიერთობების, პოლიტოლოგიისა და კონფლიქტოლოგიის საკითხებით დაინტერესებული საზოგადოების ფართო წრისათვის.
